Raporo zitandukanye zigaragaza ko ibyaha bikorwa hifashishijwe ikoranabuhanga (Cyber Crime) bikomeje kwiyongera ku rwego rw’isi, bigira ingaruka zikomeye ku bukungu bw’ibihugu n’ibigo bitandukanye.
 

Mu mwaka wa 2025 habaruwe ibitero bya cyber birenga miliyoni 7.5 ku isi, byiyongereye ugereranyije na miliyoni 6.3 byari byabaye mu 2024. Ibi byerekana ko iterambere ry’ikoranabuhanga rijyana n’iyiyongera ry’ibyaha bikorwa kuri internet.


Hafi 60% by’ibitero bikomeye bya cyber bitangirira ku kwibwa password cyangwa amakuru ya konti, akenshi bitewe na email z’uburiganya (phishing) zigamije gutuma abakoresha internet batanga amakuru yabo batabizi.


Ibigo bikunze kwibasirwa cyane n’ibi bitero harimo ibigo by’imari, ibitaro, inganda ndetse n’amashuri, bitewe n’amakuru y’agaciro aba abitsemo n’ikoreshwa ry’ikoranabuhanga mu bikorwa byabyo.


Abahanga mu by’umutekano w’ikoranabuhanga basaba abantu n’ibigo kongera ingamba zo kurinda amakuru yabo, birinda gukoresha passwords zoroshye no gukanda ku butumwa cyangwa email zitizewe.
#InyandikoRW